黎智英案延至明年9月开审 控方称人大未有释法时间表

2022年12月13日 15:05 赞好

壹传媒创办人黎智英涉嫌违反国安法一案，因为要等人大释法，解释可唔可以喺关於国安法嘅案件聘请海外大律师。高等法院今日将案件订喺明年9月25日开审，预计需时40日，至11月21日审结。

控方喺庭上话，由於人大未有释法时间表，所以申请押後至明年1月3日再讯，但辩方反对，认为人大无将议题排入议程，质疑控方点解有信心人大会释法，最後法庭直接定审期，决定明年9月25日正式开审。

而辩方又话，黎智英聘请嘅英国御用大律师Tim Owen目前已经离港，因为入境处拒绝发出工作签证，佢亦有另一宗案件，但要到明年5月先开庭。