本笃十六世病情恶化　方济各：请为他特别祈祷

2022年12月29日 11:59 赞好

今年95岁嘅荣休教宗本笃十六世日前传出健康恶化，医生正监察情况，教宗方济各接见信众嗰阵，呼吁为本笃十六世做一次特别祈祷，因为佢病得好重。

本笃十六世2005年当选教宗，但2013年突然以健康为由退休，系600年来首次退位嘅教宗，消息震惊教廷。佢喺退休之後，一直住喺梵蒂冈，但近年多次传出健康恶化。

而方济各亦罕有呼吁信众为本笃十六世祈祷，佢冇透露病情，但就话本笃十六世嘅身体已经非常虚弱。