加快開放 重慶准輕症無症狀患者照常上班

2022年12月19日 13:41 赞好

內地放寬疫情防控嘅速度似乎比香港更快，重慶防控指揮部近日發出通知，如果員工染疫但無症狀或只屬輕症，可根據身體情況，做好個人防護下可以番工，同時要求市民非必要唔做核酸，無症狀唔用藥，除咗老幼場所，唔查陰性檢測證明。

不過，隨著放寬，感染人數都跟住上升，甚至官方都無法掌握數字，北京朝陽區應急總醫院嘅求診患者增加幾倍，但因為醫護需要隔離而無法當值；喺湖北，有醫護即使陽性亦需要當值。

而國家傳染病醫學中心主任張文宏就話，目前走出疫情已成定局，正係由大流行過渡到季節性、地方性流行。