李家超明日上京述職 稱會反映港人關心通關

2022年12月20日 11:34

特首李家超聽日會到北京述職,佢話,會報告香港社會經濟狀況,政治環境及疫情實際情況。依次係李家超上任後,首次上京述職,預料會獲國家主席習近平、總理李克強接見,有傳媒引述消息,接任總理嘅熱門人選、政治局常委李強亦會與李家超會面。

而被問到會唔會向中央爭取通關,李家超就話,香港市民關心通關,相信係普遍聲音,會如實向領導人反映,中央亦非常了解香港實際情況同埋市民嘅長期希望,佢又話,如果廣東省有新安排,特區政府非常願意配合。

相關新聞