上海醫院估兩星期內半數上海人感染 專家稱一星期內達峰值

2022年12月23日 15:54 赞好

上海德濟醫院日前喺微信公眾號發文，話估計全市會有1250萬人感染新冠病毒，認為「醫院全體員工、家人、以及住院病人無一倖免」，又話必須團結應對，唔可以逃避，但春節注定唔會平安。不過，醫院後來刪除貼文。

雖然官方公布嘅確診數不斷下降，但民間每日都出現醫院診所排長龍嘅情況，甚至有人買唔到藥，國家傳染病中心主任張文宏就話，預期一星期內會達到感染峰值，不過老人得重症嘅比率好低，但北方有症狀嘅人比南方多，可能同氣候有關。