澤連斯基訪問美國 拜登稱支持到底提供18億軍援

2022年12月22日 11:56 赞好

烏克蘭總統澤連斯基訪問美國，與美國總統拜登會面，拜登批評俄羅斯總統普京無意結束戰爭，企圖利用冬天作用武器，美國會支持烏克蘭到底。美國又宣布，會向烏克蘭提供18.5億美元軍援，包括愛國者導彈防禦系統。

拜登話，兩黨同埋美國人都會企喺烏克蘭人民嗰邊，全球盟友會確保烏克蘭得到所需要嘅援助，澤連斯基感謝美國支持，又向拜登授予英雄勳章，話係前線軍人俾佢嘅。

愛國者導彈防禦系統係美國嘅王牌防空系統，可以有效攔截彈道導彈及巡航導彈，係首次美國提供俾烏克蘭，亦非常適合烏國目前嘅環境。