F35戰機有中國製材料 美軍宣布暫停交收

2022年09月08日 16:46 赞好

美國國防部今日宣布，停止接收由軍工企業洛克希德馬丁製造嘅F35戰機，因為發現戰機引擎其中一個部件嘅材料來自中國未經認證嘅零件，違反政府規定。

國防部指，F35戰機嘅引擎發現來自中國嘅合金材料，雖然零件無涉及戰機安全或機密問題，甚至唔會造成安全隱憂，但仍然決定停止接收新嘅F35戰機，以確保無違反國家規定。

洛克希德馬丁就表示，該合金零件係供應商漢威聯合生產，用於引擎內部，有報導指，漢威聯合收到供應商通知，該零件嘅合金材料來自中國，但喺美國磁化。