李澤楷捐1000萬予受傷舞蹈員李啟言 李父稱要先處理意外責任

2022年09月13日 11:58 赞好

男團Mirror演唱會發生嚴重意外，其中導致舞蹈員李啟言頸椎嚴重受傷。主辦單位MakerVille母公司、盈科拓展集團主席李澤楷發聲明指，將以個人名義向李啟言及其家人提供1000萬元經濟援助，又指公司會負責李啟言嘅醫療費。

李啟言父親李盛林牧師凌晨喺社交平台回應，指喺責任人未有妥善處理之前，所有捐贈都為時過早。李盛林指，感謝李澤楷對李啟言嘅關注、慰問和探訪，鑑於現時李啟言仍喺專家團隊所定出嘅醫療方案進行治療，佢哋首先要配合團隊嘅療程，並專注於照顧李啟言現有需要，以免影響佢復康嘅進展。未來嘅治療方案，需要睇李啟言康復嘅進展同埋醫護團隊嘅建議。

李啟言目前仍留醫深切治療部，雖然無需依靠呼吸機，但四肢仍唔能夠郁動，早前李父曾講過，醫生估計李啟言95%唔能夠完全康復。