兩男疑自放曱甴誣陷酒樓 涉妨礙司法公正被捕

2022年09月14日 12:34 赞好

早前社交平台流傳筲箕灣一間酒樓出品的炒飯有曱甴，之後更有食環署人員到場拍照調查，引起網民熱議。但經警方調查後，懷疑有人自己放曱甴入炒飯裡面，再報案黎屈酒樓，以涉妨礙司法公正拘捕兩名男子。

警方查看閉路電視後，發現有一名男子將曱甴放入飯裡面，於是作出拘捕行動，而該酒樓嘅董事就指，懷疑一名前經理欠債，因此被人「惡作劇」，他亦公開咗涉事片段，以示清白。

酒樓董事表示，當事覺得兩名男子可疑，佢哋向酒樓指有曱甴後，只係氣定神閒坐返去座位，更表示已報食環，期後酒樓揭發事件，而上星期有一班人黎酒樓追討一名酒樓前員工嘅欠債，懷疑因此被惡作劇，酒樓生意喺中秋亦跌咗兩成。