連鎖西餅店突停業 過百苦主稱買了餅卡批營業手法有問題

2022年09月14日 16:12

西餅連鎖店Crostini今日突然全線結業,負責人黃光輝稱,遭業主追討600多萬租金,唔夠現金交租而被迫停業。但有過百名網民喺社交平台建立「苦主關注組」,稱買咗婚宴餅卡,批評西餅店經營手法有問題。

Crostini今日凌晨突然喺社交平台宣布停業,黃光輝指免追租期過後,曾與業主商討,但最後唔成功,被迫即時停業,至於被問到點解仍賣餅卡,黃光輝話,之前未考慮停業,但被人迫到無辦法,現時要睇清盤程序點樣處理。

有顧客喺社交平台成立關注組,批評西餅店想呃一筆錢先結業,現時關注組有幾百人,暫時眾多苦主約持有超過2000張餅卡,估計都無法兌現。

相關新聞