中年男疑被綁架撕票 警找回遺體 拘捕兩名男子

2022年09月15日 14:09 赞好

一名中年男子早前被綁架，其後疑遭撕票，警方在打鼓嶺坪洋村山邊發現佢嘅遺體，並拘捕兩個男子。有傳媒報導，遇害男子疑賭波欠下300多萬債務，懷疑因此惹禍。

被綁架男子係一間餐廳老闆，佢嘅妻子10幾日前報案求助，警方調查後，喺粉嶺聯和墟先後拘捕兩名男子，疑與案件有關，不過，被綁架男子疑已遭撕票，警方搜索多日後，今日搵到遇害者遺體。

大批警員繼續喺坪洋村搜證，分別喺一間村屋及鄉公所帶走大量證物。