英女王逝世開放瞻仰遺容　排隊人龍長5公里 有人至少等48小時

2022年09月15日 16:28 赞好

英女王伊利沙白二世月初離世，终年96歲。佢嘅靈柩琴日抵達西敏宮，並開放公眾瞻仰遺容，直至19號舉行國葬，預料有75萬人會到場。

現時排隊人龍長達5公里，由西敏宮沿泰晤士河延至倫敦橋，有人都出動帳篷扎營，等待超過48小時。當局亦向有需要人士或長者派發手帶，可暫時離開隊伍。

官員提醒正在前來嘅民眾，排隊時間最少要30小時，鐵路公司亦已加開班次，方便從各地前來弔唁嘅民眾。

民眾雖然可以進入西敏廳，但僅能看到英女王嘅靈柩，周圍亦有皇家衛兵戒備。