花蓮今早再發生5.9級地震 多次地震造成1死最少142人受傷

2022年09月19日 11:53 赞好

台灣台東及花蓮連續幾日發生地震，今早再發生5.9級地震。最嚴重一次係發生喺18號下午嘅6.8級地震，花蓮有大廈倒塌，列車出軌，台東山邊倒塌，有車輛差啲被埋。

花蓮有多棟房屋倒塌，有人被困喺瓦礫當中，一名水泥廠工人被壓傷，送院搶救後不治，花蓮受災最嚴重，近76人受傷，台東亦有55人受傷。

桃園雖然唔係震央，但都有3級震感，有一座體育館嘅天花崩塌，造成多人受傷。因為體育館琴日先完成裝修，唔少人質疑工程有問題。