貴陽防疫巴士翻側造成27死20人傷 網批違法上路

2022年09月19日 15:15 赞好

貴陽防疫巴士琴日凌晨喺公路上意外翻側，造成27人死亡，20人受傷，車上大部分係由貴陽雲巖區轉移到荔波區隔離嘅居民。

事件引發網上大量批評，首先係防疫巴士違反咗法例嘅規定，法律列明，喺凌晨2點至5點，中長途車程不得行駛，而防疫巴士司機更身穿全身防護衣，夜間情況下，嚴重影響駕駛專注度。

法律亦有列明，行政機關不得喺夜間或者法定節假日實施行政強制執行。網上亦有人指，車上有人唔係確診者，亦唔係密切接觸者，居住大廈亦無確診，懷疑只係「次密接」。

網上唔少輿論猛烈批評貴陽市當局，貴陽市副市長林剛就事件致歉，稱無比沉痛、無比自責，會全面檢視交通隱患。