渣馬稱明年2月復辦賽事 網民反指2022始終都是取消

2022年09月20日 15:40 赞好

早前田徑總會宣布，由於政府遲遲無批准舉行賽事，因此決定取消11月舉行嘅馬拉松。今日田總宣布，過去多日與政府部門溝通後，獲政府全力支持，會積極計劃明年2月舉行第25屆渣打香港馬拉松。不過有網民質疑，最終2022嘅馬拉松都係取消。

特首李家超今日表示，對田總未等待政府最後決定就取消感到失望，強調政府會支持大型賽事及會議喺香港舉行，會積極向有關方面協助。之後就有消息傳出，田總打算復辦馬拉松。

即使明年復辦馬拉松，但2022嘅馬拉松仍然取消，馬拉松過去幾年舉辦都係一波三折，最先喺2020由於疫情取消，之後2021年初打算復辦，又因為疫情，最後要到2021年10月舉行，而原定今年11月舉行嘅馬拉松，又因為與政府溝通不到，而無法舉行。