再有醫生涉賣針紙被捕 每張收近五千元

2022年09月21日 11:36 赞好

警方琴晚喺油麻地一間私家診所，以串謀製造虛假文書罪拘捕4人，包括一名76歲男西醫及3名診所職員，佢哋涉出售被稱為「免針紙」嘅新冠疫苗接種醫學豁免證明書。

警方表示，早前接獲線報，有診所醫生喺未經診症或檢視病歷後，向病人簽發免針紙，每次診金收4000至5000元，據指被捕西醫係戴港盛，警方喺行動期間，仍有十幾人排隊求診。

西九龍總區重案組接手調查，警方指，琴日單日已檢獲193張免針紙，相信數量有更多，求診病人大多由朋友介紹，警方檢獲咗大量文件，包括電腦及76萬現金，之後又喺醫生住所搜到110萬現金。