普京宣布局部動員令 稱目標是解放頓巴斯

2022年09月21日 16:42 赞好

俄羅斯總統普京今日宣布，實施局部動員令，係第二次世界大戰以來首次，之後防長紹伊古指，會從預備役徵召30萬人。

普京表示，西方國家一直希望削弱及摧毀俄羅斯，將烏克蘭人民當成炮灰，現時俄羅斯嘅目標係解放頓巴斯地區，佢話，俄羅斯有大量武器回應，為保護人民會使用毀滅性武器。

烏克蘭東部及南部有4個由親俄份子控制嘅地區正在舉行公投，相信最後會加入俄羅斯，普京表示，會尊重當地民眾意願，批評西方試圖阻礙。包括美國，德國、法國及日本等國家已宣布唔會承認今次獨立公投。