二人行山意外死亡 其中一人是珠寶大王盧仲輝

2022年09月26日 12:27 赞好

有兩名男子琴日行山時發生意外，最終不治身亡，其中一人係被稱為「珠寶大王」嘅富衡珠寶行董事長盧仲輝，而另一人係一名約30歲男子。

盧仲輝與友人喺大嶼山彌䃟石澗行山，到摩天崖時佢突然失足跌下山崖約100米，政府出動飛行服務隊拯救，最後盧仲輝送院不治。盧仲輝嘅家族從事珠寶業多年，被稱為「珠寶大王」，同時亦擔任香港珠寶玉石廠商會理事長，以及關於珠寶業嘅公職。

而另一名男子與友人喺獅子山行山，至山頂位置時失足墮下，警方與消防上山拯救，搜救一個多鐘頭後，飛行服務隊直升機喺獅子山山頭對下位置發現墮崖男子，佢當場證實死亡。