專家稱有條件放寬防疫措施　預計兩三星期可開放0+0入境

2022年09月26日 16:14 赞好

香港今日起開始0+3入境檢疫措施，政府專家顧問孔繁毅今早喺電台節目表示，現時輸入個案比例低，整體風險都低，而且要定期檢測及有「黃碼」，接觸社區機會較少，佢又話指，唔少人都已經接種疫苗及曾受感染，相信放寬措施後疫情唔會反彈。

孔繁毅指，如果兩至三星期後無反彈，可放寬至0+0，到時抵港人士只需要做核酸檢測，陰性就可以藍碼，相信對疫情防控影響不大，但估計要到下年夏天才可以唔洗戴口罩。

佢又認為，目前有空間放寬食肆人數上限等社交距離措施，圍封強檢及污水檢測亦唔需要進行，密切接觸者唔需要再家居隔離，尤其係醫護人員，只要核酸檢測及戴口罩就可以。