俄羅斯發生校園槍擊案最少17死 普京批恐怖襲擊

俄羅斯中部城市伊熱夫斯克26日發生校園槍擊案，最少17人死，包括11名兒童，另外有24人受傷，槍手之後自殺身亡。俄國總統普京為事件默哀，批評係不人道嘅恐怖襲擊。

報導指，槍手係該校嘅畢業生，佢戴上黑色頭套，著有納粹圖字嘅黑色衫，當局正調查兇手嘅動機，有冇信奉新法西斯或納粹觀點。

遇害者年齡最少只有10歲，都是該校嘅學生，亦有成年人中槍受傷或身亡，唔少民眾前往校園悼念死者。