李家超呼籲遵守防疫措施　否則「不容易有新考慮」

2022年09月27日 15:11 赞好

香港琴日正式實行0+3入境檢疫措施，外界關注會唔會繼續放寬防疫措施，特首李家超今日表示，過去有超過40名持「紅碼」人士違反唔准離開其隔離地方嘅規則，亦睇到不遵守強制檢測嘅人曾高達8%至9%，佢話，如果大家都遵守規矩，路就更好走；但如果保持着有咁多人唔遵守規矩，咁措施就唔容易再有一啲新考慮。

佢又批評，濫發免針紙嘅行為破壞整體嘅抗疫工作，對於違反規則、影響每一個人嘅人士，都要被譴責。

至於幾時會實行0+0防疫措施，李家超表示，如果疫情走勢符合預期，能夠控制疫情反彈，會逐步按照實際情況，為其他活動提供更多空間。