2022年09月29日 12:45
香港將會喺11月1及2日舉行國際金融領袖投資峰會，金管局總裁余偉文發表文章，表示全家100家重要金融機構嘅主要負責人，包括30家機構董事長或行政總裁將會出席。
出席嘅金融機構高層包括滙豐控股行政總裁祈耀年、渣打行政總裁溫拓思，高盛行政總裁David Solomon，黑石總裁Jonathan Gray，瑞銀瑞銀董事長Colm Kelleher、摩根士丹利行政總裁James Gorman、花旗行政總裁Jane Fraser等。
余偉文又話，峰會將集中討論金融界三大挑戰，包括滯脹風險、利率上升以及地緣政治，亦會討論未來金融業嘅發展兩大趨勢，即科技同埋可持續發展。佢話，放寬防疫措施，方便咗與會者出席峰會，彰顯香港國際金融中心嘅地位。