超強颶風伊恩侵襲美國佛州造成廣泛水浸 官員指社區被摧毀

2022年09月29日 17:49 赞好

超強颶風伊恩琴日侵襲美國佛羅里達州，風速高達時速241公里，佛州最少150萬停電，伊恩帶來嘅風暴潮，令多處水浸，有官員警告，早前無撤離嘅居民已經來不及逃離，促請他們盡量留喺室內。

根據美國嘅颶風分級，伊恩威力接近最高第５級，受影響最嚴重嘅邁爾斯堡市，當地官員表示，社區某種程度上已經被摧毀，當地亦有地方出現搶劫，當局喺部分地區實施宵禁。

目前伊恩已降級為3級颶風，州政府警告，伊恩途經嘅地區，情況會非常惡劣，呼籲居民做好準備。目前伊恩向北移動，將進入佐治亞州及南卡羅來納州，並維持颶風程度。