普京承認動員令有出錯 最少20萬俄國人出國 有人為逃兵役打斷手臂

2022年09月30日 17:13 赞好

俄羅斯總統普京早前宣布「局部動員令」，徵召有軍事經驗嘅國民參與俄烏戰爭，不過被爆出唔少唔合資格嘅人都被徵召。動員令又引發大規模逃國潮，唔少俄國人排隊出境，逃避參與戰爭，亦有人為咗逃兵役，不惜打斷手腳。

普京承認，喺徵兵過程有局部出錯，目前要將錯誤被徵召嘅人送回原居地，包括超過兵役年齡、有3個小孩以上嘅父親及慢性病人士等。

根據俄羅斯周邊國家嘅邊境部門統計，至少20萬俄國人離開俄羅斯，唔少人從陸路出境。而網上有片段流傳，有俄羅斯年輕人為唔洗參軍，要求友人打斷自己嘅手或腳，情況相當驚人。