中大突宣布改校徽簡化版刪校訓　有校董質疑無諮詢欠尊重

中文大學今日宣布將推出新校徽，用黎慶祝創校60年，校徽之後會分為正式及簡化版，新版校徽顏色更簡單，雙色鳳改為單色，黃圖案紫色底，有別於正式版嘅分割色，而簡化版就刪去校訓「博文約禮」。不過，有校董就批評中大事前無諮詢，係不尊重校董會。

中大校徽自從1963年創校後，都係使用分割色，現時首次改為單色，中大校長段崇智話，今次改動為大學形象注入新氣象，保留傳統之餘更易辨識，更切合現代及未來發展，又可以令中大形象「更鮮明及廣受推崇」。

不過，以立法會議員身份成為中大校董嘅劉國勳，就批評校方事前無諮詢，非常唔尊重，而另一校董張宇人都話，唔記得有討論過更換校徽，認為會觸動好多人嘅神經。