香港GPD大跌4.5% 李家超稱環球經濟弱 復常助經濟復蘇

2022年11月01日 12:16 赞好

政府琴日公布第三季GDP按年實質下跌4.5%，遠差過市場預期嘅0.8%，特首李家超今日話，香港出入口下跌受好多因素影響，其中包括外幣疲弱、外國嘅緊縮貨幣政策。佢話，香港疫情受控，本地活動越黎越多，社會氣氛活起黎，而政府路線有一致性會穩步邁進，令香港有更多經濟及民生活動，出入境人數上升，有助經濟復蘇。

李家超話，放寬0+3之後，10月外地來港人數係9月嘅2.3倍，香港居民出入境都增加6成同埋5成，香港亦舉辦唔少國際活動，會留意疫情發展，可控情況下進一步同國際接軌。