七欖3日共6萬5人次入場 李家超稱證明香港重返國際舞台

2022年11月07日 11:24 赞好

香港國際七人欖球賽琴日結束，香港欖球總會話，三日共有6萬5千人次入場，特首李家超喺社交網站話，香港國際七人欖球賽係亞洲最受歡迎嘅體育賽事之一，事隔三年後於周末成功舉辦。幾萬人歡聚一堂，享受盛事嘅熱鬧同埋歡樂氣氛。證明咗香港已經重返國際舞台。

而欖球賽決賽，澳洲以20比17擊敗斐濟，奪得今站盃賽冠軍，斐濟獲得亞軍，銅牌戰就係法國以19比17擊敗薩摩亞。

李家超、財政司司長陳茂波與欖球總會高層頒獎，期間眾人都無戴上口罩。