央行副行長范一飛涉違紀違法被查 二十大後首位部級官員落馬

中國人民銀行副行長范一飛涉嫌違法違紀，正接受調查，佢將會係中共二十大後，首位落馬嘅部級官員，亦係罕有現任高層被調查。

范一飛喺央行負責管理金融科技及支付司，預料案件會對支付業嘅政策有重大影響，亦凸顯中央打擊金融腐敗嘅決心。

內地傳媒報導，范一飛被查嘅消息一直流傳，佢日前仲出席一個二十大嘅宣讀會。2020年螞蟻集團上市觸礁，當時范一飛曾話，問題唔單止係螞蟻一間，對螞蟻嘅措施都會推行到其他支付服務上面。