河南防疫官員記者會稱錯過女兒生日 遭批「何不食肉糜」

2022年11月08日 15:55 赞好

近日內地疫情升溫，河南鄭州多地有疫情爆發，當地一名社區女幹員喺防疫記者會入面，突然感慨自己因疫情錯過女兒生日，被網民批評「何不食肉糜」。

鄭州中原區平安街社區黨總支書記劉紅英喺記者會話，前幾天係女兒18歲生日，但佢缺席咗成人禮，又話嗰女要佢愛自己多啲。劉書記打算用自己嘅「慘情」，爭取一下民意，點知弄巧反拙。

大量網民批評劉紅英「何不食肉糜」，有人話當地民眾因封控三餐不繼，但佢就在意嗰女嘅成人禮，實在太離地、太矯情。