俄軍撤出赫爾松失侵烏重鎮 澤連斯基籲國民勿興奮

2022年11月10日 12:32 赞好

俄羅斯入侵烏克蘭近9個月，近日烏克蘭持續反攻取得進展，俄羅斯國防部長下令，俄軍撤出烏克蘭南部重鎮赫爾松，係俄軍入侵烏克蘭而黎，最大嘅挫敗。

不過，烏克蘭方面態度審慎，總統澤連斯基呼籲國民唔好太興奮，而總統顧問認為，俄軍並無全面撤出。

自烏軍反攻後，赫爾松嘅俄軍一直陷入苦戰，加上克里米亞大橋被襲，俄軍喺南部戰線嘅重要補給路線功效降低，令防守赫爾松更困難。

而烏軍目前仍猛烈反攻頓涅茨克地區，如俄軍再撤走，咁佔烏嘅3個重鎮，就會失去兩個，令局勢更加倒向烏克蘭。