美國中期選舉　料共和黨奪眾院但選情未如理想

美國中期選舉仲點緊票，但多間傳媒預料，共和黨可以奪得眾議院控制權，而參議院競爭激烈，目前未知結果。中期選舉將影響總統拜登未來兩年嘅執政計劃，拜登就話，外界之前預料共和黨會大勝，但現時民主黨嘅結果好於預期，認為係民主嘅好日子，又話無出現專家預料嘅「紅色浪潮」，佢感謝年輕選民為咗解決氣候問題及槍械暴力而投票。佢又呼籲選舉後，兩黨繼續合作，對抗俄羅斯入侵烏克蘭，佢會邀請兩黨成員到白宮討論。