港鐵油麻地列車出軌 昨癱瘓整天今恢復 稱組件移位

港鐵油麻地站丁天發生甩門出軌事故，導致由荔景至佐敦，近大半條荃灣線需要關閉一整日，今日港鐵完成修復，列車服務回復正常。

港鐵車務總監李家潤話，涉及事故嘅油麻地2號月台，因為路軌側邊嘅金屬護欄組件移位，導致列車偏離路軌，會檢視係由於使用、維修定係設計所致，而市區線有30幾個同類組件。

琴日事故發生嗰陣，有大批乘客喺車上，幸無人受傷，幾百名乘客需要由車尾斜道，步行至旺角站疏散。