內地放寬入境檢疫回國機票價格大跌 平均價跌穿1萬

內地日前宣布，將入境檢疫嘅隔離日數改為5日酒店隔離及3日家居隔離，之後入境航線嘅機票價錢隨即下跌近2成。

而內地又放寬入境人員嘅登機前檢測證明，只需要48小時內1次核酸陰性證明，根據資料，過去兩年從外地回國機票，都要過萬甚至十幾萬人民幣，但隨著檢疫放寬，平均價錢已跌穿一萬蚊，約8千幾人民幣。

而最熱門嘅航線分別由，首爾、台北、香港及東京飛往上海。