七欖播錯國歌 韓媒稱無收到 Google香港的國歌竟出現示威歌

2022年11月15日 15:13 赞好

亞洲七人欖球賽南韓站，香港隊對戰南韓隊嘅賽前播國歌環節，主辦方錯誤將一首示威歌曲當成中國國歌播放，之後道歉並指係低級職員犯錯，不過今日有韓媒報導，主辦方因為未能取得香港隊提供嘅歌曲，因此自行上網尋找，美聯社又報導，處理國歌嘅職員自行將示威歌曲存入電腦，但嗰位職員並唔知道與示威有關。

如果喺搜尋器搜尋anthem of hong kong，就會搵到依首示威歌曲，而非《義勇軍進行曲》，唔熟悉嘅外國人可能會混淆，咁都反映咗搜尋器嘅搜尋結果出現問題。

特首李家超今日就話，會與相關部門商討，如果遇到同類事件，點樣做出更好處理，港府會盡力協助主辦方。