飛彈擊中波蘭村莊造成二死 拜登稱不像由俄軍發射

2022年11月16日 12:29 赞好

波蘭的普熱沃杜夫村琴日突然受到飛彈襲擊，造成二人死亡，普熱沃杜夫村位於波蘭與烏克蘭嘅邊境，當局提升軍隊戒備狀態，並要求北約成員緊急磋商。

美國總統拜登喺印尼G20峰會亦馬上與盟友召開會議，但佢之後話，飛彈唔似由俄羅斯發射。而俄羅斯國防部就否認事件，批評係蓄意挑釁。烏克蘭總統澤連斯基話，落入波蘭嘅係俄國飛彈，又話曾經警告，俄羅斯軍事行動唔會只對烏克蘭進行。不過，烏克蘭都有使用同款飛彈。

北約秘書長辦公室表示，事件係意外定係蓄意，仍需要調查。拜登喺G7領袖會議後話，導彈唔太可能從俄羅斯發射，但支持波蘭徹查事件，亦會派員到波蘭協助，各國會喺調查後，決定下一步行動。