蘭州核酸收費每次16元 被質疑成本轉嫁人民

2022年11月16日 15:13 赞好

近日內地多地宣布停止全民核酸，改為只針對重點人群進行檢測，不過，有地方就將原本免費嘅核酸檢測，改為收費。蘭州就放棄以往慣常多人混合採集嘅核酸，改為單人單管採集，每次收費16元人民幣一次，當局解釋，避免出現混管陽性，影響其他人生活。但有市民就質疑，檢測由政府強制進行，咁係將成本轉嫁人民。

蘭州目前唔會對無疫情小區安排核酸，只針對有確診嘅樓房進行檢測，不過，出入公共場所、乘搭交通工具，就要72小時核酸陰性證明，有人計算，每人每三日做一次，一個月就要160蚊，質疑咁樣會增加市民嘅生活成本。