亞洲欖總稱女實習生無意圖地出錯 王敏超倡南韓停辦賽事

2022年11月16日 16:39 赞好

亞洲欖球7人賽南韓站，香港對南韓賽前播放國歌時，竟然將示威歌曲當成中國國歌播放。亞洲欖總臨時行政總裁班傑明召開記者會解釋，播放錯誤國歌嘅員工係一名女實生生，無不可告人嘅動機，佢唔係港人，又唔認識世界政治，班傑明話，向有關人士了解後，唔認為有別有用心嘅動機，只係單純人為錯誤。

班傑明又確認，港隊喺7月比賽時，曾收到正確嘅國歌，不過韓國欖球總會喺網上下載咗一個錯誤版本，佢已經通知總會職員，以後唔可以再網上下載歌曲，只會播放亞洲欖總提供嘅檔案。

不過，港協暨奧委會義務秘書長王敏超就話，唔相信及唔接受解釋，認為亞洲欖總及韓國欖球總會要負上責任，佢提議要暫停南韓舉辦賽事。