習近平罕有批評杜魯多曝會面內容 稱「這不合適啊」

2022年11月17日 14:37 赞好

國家主席習近平喺印尼G20峰會期間，曾經同加拿大總理杜魯多短暫會面，之後有傳媒引述消息，報道杜魯多與習近平嘅會面內容。習近平之後又與杜魯多碰面，更罕有喺傳媒面前，批評杜魯多「將我哋嘅談話內容話俾報紙聽，咁唔合適呀」，又話「如果有誠心，我哋就用互相尊重嘅態度黎進行溝通，否則結果就話唔埋啦。」

之後杜魯多解釋，喺加拿大情況不同，但即使我哋有分歧，但仍然可以繼續建立溝通渠道，習近平就答：「創造條件，創造條件。」之後習近平主動同杜魯多握手後，雙方離開。

有傳媒早前引述消息，杜魯多喺會面期間，嚴重關切中國涉嫌干預加拿大內政，包括加拿大選舉，以及俄烏戰爭，南北韓及氣候問題。