劉強東要求副總監以上減薪 為員工設住房保障基金

電商平台京東創辦人劉強東向全體員工發信，指為咗基層員工福利待遇，同時要減輕公司壓力，所以集團從2023年1月1日起，副總監以上嘅高級管理人員，現金薪酬會降薪1成至兩成，職位越高減得越多。

京東近期收購咗德邦快遞，劉強東話，會為十幾萬德邦兄弟買齊五險一金，確保所有德邦兄弟都「老有所養，病有所醫」。

另外，京東會拎出100億人民幣，設立全體員工嘅住房保障基金，劉強東亦會捐多1億，大幅擴充「員工子女救助基金」。