國產列車11月27日首現觀塘線 逐步取代英製列車

港鐵今日宣布，由2015年買咗八卡編制嘅青島四方製列車，將會逐步取代市區線所用嘅英製列車，而11月27號將會喺觀塘線首次投入服務。

港鐵公司香港客運服務總監楊美珍表示，新列車喺觀塘線投入服務後，會陸續喺其他線投入服務，取代舊有列車。

港鐵用約90億買入咗93列八卡列車，係歷黎最大嘅投資，楊美珍強調，新列車已完成嚴格測試，結果良好，確保安全可靠。