佛跳牆騙案不斷 警方呼籲食肆小心勿再中招

2022年11月23日 11:39 赞好

警方再接到一宗報案，懷疑陷入「佛跳牆」騙案，一名39歲女子報稱，收到一名男子訂購大量食物，但要喺指定供應商代為訂購「佛跳牆」食用包，受害人去所謂供應商訂購後，轉3萬蚊到指定戶口，但之後就同騙徒失去聯絡，懷疑受騙後報案。

警方調查後，案件列作「以欺騙手段取得財產」，但暫未有人被捕。警方呼籲食肆，唔好輕易墊付貨款，收取顧客付款後，要留意「可用餘額」有冇增加，唔好單憑入數紙就視為成功轉賑。