銀川男子外出遭民警跪頸制服 網民批中國版弗洛伊德事件

2022年11月23日 11:59 赞好

內地近日疫情升溫，寧夏銀川市有一名男子，懷疑違規外出，喺未有抵抗嘅情況下，被粗暴搜身，之後壓喺地下，一名民警膝跪喺男子頸上。網民痛批，事件尤如美國黑人弗洛伊德被白人警察跪頸致死案。

網上片段顯示，幾名防疫人員包圍男子，用腳喺在男子背部，質問佢點解違反防疫規定出黎，男子痛苦大叫自己嘅肩膊曾經受傷，又話自己要吃藥。

官方之後話，彭姓男子被集中隔離期間，企圖離開，被民警截停後，一度情緒激動，針對執法問題，民警已向男子道歉並得到諒解，會根據調查結果嚴肅處理。