快測包每日製造60公噸廢物 環境局稱影響不大

香港目前唔少行業都需要快測陰性先可以上班，今日政府回應立法會提問嗰陣，就講到香港平均每日用150萬個快測包，總重量約60公噸，但認為用量會隨疫情減退而減少，所以對環境及堆填區嘅額外壓力不大。

環境及生態局局長謝展寰話，政府鼓勵市民綠色生活，積極減廢回收，但快測有化學物質，即使陰性，都唔能夠排除檢測者喺潛伏期內，所以唔建議回收。佢又話，當局會留意市場，採用有機構認可，較少包裝嘅產品。