阿凡達2獲批內地上映 提振影視業士氣
2022年11月25日 11:55
內地近年由於疫情或政治因素，唔少外國大製作電影都唔能夠上映，亦令票房收益下跌，不過，由名導占士金馬倫執導嘅科幻大作《阿凡達2》獲批上映，隨即提振內地影視業士氣。
《阿凡達2》將會喺12月16日同步喺全球上映，包括香港及內地，《阿凡達》2009年上映，當年唔單止係全球票房冠軍，喺內地目前累計票房都達到17.15億人民幣，位列中國影史第33名。
有專家認為，近年內地院線引進片嘅數量明顯下降，《阿凡達2》能夠上映，有強烈嘅時代意義，而消息一出，多隻影視股嘅股價亦上升咗2-3%。
