香港公共交通被評為世界第一 柏克萊加大稱車站多轉乘方便

2022年11月25日 15:59 赞好

美國加州大學柏克萊分校發表交通研究報告，其中香港嘅公共交通系統被評為世界第一，報告話香港擁有龐大嘅鐵路網路，車站密度高、轉乘方便，能夠應付大量人口。

報告評估全球60個城市嘅公共交通，比較城市交通距離、負擔能力及擁擠程度等，香港喺公共交通指數排名第一，評分近80，全球平均喺51.7左右。

報告認為，香港擁大龐大車站網絡，唔單止密度高，位置便利，轉乘設計又盡量無縫，服務都較少延誤或中斷。但報告又建議改善地方，例如鐵路並非24小時運作，缺乏智能手機應用程式等等。