2022年11月29日 16:47
內地周末全國各地爆發反防疫過度示威，有民眾舉起白紙抗議，並悼念烏魯木齊10死火災。國家疾控局監督今日喺國務院聯防聯控機制新聞發布會上話，民眾反映唔係反防控，而是有啲地方隨意「層層加碼」。
國家疾控局監督一司司長程有全話，近期民眾反映嘅問題，主要唔係針對疫情防控，而係防控措施簡單化、層層加碼，一刀切，有啲地方隨意擴大管控區域，一封了之，長時間唔解封，未經批准就任意「靜默」。
佢話，各地已經成立整治層層加碼工作專班，積極有效回應民眾反映嘅問題，並轉交有關地方推動解決。
全國周末爆發示威後，目前形勢平靜，未有地方進一步有行動，官方亦視乎希望淡化示威影響。