簡約公屋選址新界　4幅土地建屋造價約320億

2022年11月30日 12:33 赞好

政府將喺未來五年建3萬伙「簡約公屋」，當局日前公布選址，全部都喺新界區，包括屯門青山醫院、菁田邨、元朗錦繡花園及上水雙魚河。

政府打算向立法會申請撥款320.9億，3萬伙簡約公屋平均建築成本90萬，超出公屋平均25萬嘅成本。單位設計傾向類似傳統公屋，有獨立廁所，但係用開放式廚房，會有冷氣及抽氣扇，屋邨都會預留空間，俾居民舉辦活動及休憩所用。

政府預計首批1000伙最快2024/25年落成，最後一批喺2026/27落成。