黎智英案 梁愛詩撰文質疑釋哪一條法 補充指不反對釋法

2022年11月30日 14:32 赞好

終審法院拒批律政司反對黎智英聘請海外大律師抗辯涉違國安法案，特首李家超話會提請釋法。前律政司司長梁愛詩撰文話，同意終院裁決，應該按本地法律程序處理海外大律師來港，又指英國律師唔識國安法，反問香港大律師又有幾多經驗，佢又質疑，有人要求釋法，但釋邊一條法？

梁愛詩喺文中認為，其他國家嘅國安法案件比香港多，如果法庭認定案中律師合資格，無理由反對，香港回歸25年已累積唔少案例，有啲仲有海外大律師參考。

梁愛詩回覆報章查詢，證實文章由佢所寫，又補充話，只係就國安法條文，支持終審法院裁決，無反對釋法，亦無向北京反映任何意見。