外媒稱馬雲定居東京 低調生活熱衷藝術收藏

自從螞蟻集團上市觸礁，科技股陷入監管潮，阿里巴巴創辦人馬雲就淡出管理層，過著低調生活。近日英國《金融時報》引述消息，指馬雲與家人已喺東京定居近半年，又開始熱衷藝術收藏。

報道話，馬雲會定期前往美國及以色列，盡量唔參與公眾活動，保持低調，只會去幾個私人會員制嘅俱樂部，有日本藝術界人士及馬雲友人話，馬雲成為咗藝術收藏家，淡出忙碌生活後，以水彩畫消磨時間，又會去浸溫泉同埋滑雪。