兩前國泰空少違檢疫令外出 今各被判囚8星期

2022年12月01日 14:48 赞好

國泰航空兩名前機組人員涉去年12月喺隔離期間外出聚餐，二人之後確診。早前二人被裁定三項「冇遵照衛生主任所指明嘅條件」罪成立，今日各被判入獄8星期。

裁判官裁決時話，根據當時指引，返港機組人員須留喺家中醫學監察，除非第三天取得陰性結果及進行必要活動，但裁判官認為二人嘅活動無必要，亦無迫切性。

其中一名被告曾引發「望月樓群組」，裁判官指案情嚴重，二人濫用特權，引致他人染疫，兩名被告由上月18日已經開始還押，至今日判囚8星期。